AI chatbot development in Pakistan
WhatsApp bot jo raat ko bhi customers ko jawab de, order status batae, aur sirf serious enquiries aap tak forward kare.
Yeh cheez kab faida deti hai
Chatbot har business ke liye nahi hai. Woh us waqt kaam ka hai jab aapke paas enquiries to aati hain lekin jawab dene ka waqt nahi.
Aam Pakistani soorat-e-haal: raat 11 baje koi Instagram pe price poochta hai. Aap subah dekhte hain. Us waqt tak woh kisi aur se khareed chuka hota hai. Ya phir din bhar wohi teen sawal — price kya hai, delivery kitne din, COD hai ya nahi — aur aap har baar khud type karte hain.
Dono soorton mein bot ka matlab hai. Agar aap ko din mein sirf 2-3 enquiries aati hain to bot pe paisa lagana zaya hai — hum yeh saaf bata denge.
Hum kya banate hain
WhatsApp chatbot
WhatsApp Business API pe. FAQs ka jawab, order status, aur mushkil sawal aap tak forward.
WhatsApp chatbotLead qualification bot
Serious buyers ko timepass se alag karta hai — budget, timeline aur zaroorat poochh kar.
Lead botWebsite support chatbot
Aapki apni site ke content se jawab deta hai. Jo na jaanta ho, us ka jawab banata nahi.
Support botProcess automation
Orders, invoices aur reports ka automation — insaan ka waqt bachane ke liye.
AutomationCost ke baare mein saaf baat
WhatsApp chatbot ki cost do hisson mein hoti hai, aur bohat se log doosra hissa nahi batate:
- Setup: ek baar ka kharcha — hamara PKR 40,000 se shuru hota hai.
- WhatsApp Business API ka apna charge: Meta conversations pe charge karta hai, aur woh charge aap ka hai, hamara nahi. Rates conversation ki qism aur country pe depend karte hain, aur Meta inhein waqtan fawaqtan badalta rehta hai.
Hum setup se pehle aap ko dono numbers ka andaza dete hain, taake mahine ka bill surprise na ho.
Price
WhatsApp chatbot setup PKR 40,000 se shuru hota hai. Is ke ilawa WhatsApp Business API ka apna charge hota hai jo Meta conversations pe leta hai — woh aap ka kharcha hai, hamara nahi. Hamari pricing mein saara hisab likha hai.
Hum setup se pehle dono numbers ka andaza de dete hain, taake mahine ka bill surprise na ho. Bohat se log doosra hissa nahi batate — hum batate hain.
Proof
Har screenshot pe client ka naam, shehar aur date likhi hai.
Asli screenshot yahan
Kin industries mein yeh sabse zyada chalta hai
Clothing brands
Clothing brands — order status aur size sawal
Read moreClinics
Clinics — appointment booking aur timings
Read moreProperty
Property — budget aur area qualification
Read moreAcademies
Academies — admission sawal aur fees
Read moreYa form bhar dein
Teen minute ka kaam hai. Jo tafseel aap denge, jawab utna hi kaam ka hoga.
Chatbot ke sawal
Kya bot ghalat jawab de sakta hai?
Ho sakta hai, agar usay khula chhor diya jaye. Isliye hum bot ko aapke apne content tak mehdood rakhte hain, aur jo sawal woh na samjhe usay foran insaan tak forward kar deta hai — apni taraf se jawab banane ke bajaye.
Kya customer ko pata chalega ke yeh bot hai?
Haan, aur yeh jaan boojh kar hai. Bot ko insaan bana kar pesh karna ulta nuksan deta hai — jab customer ko pata chalta hai to trust toot jati hai.
Kya mera mojooda WhatsApp number use ho sakta hai?
Number WhatsApp Business API pe migrate karna parta hai, aur uske baad woh normal WhatsApp app pe kaam nahi karta. Aksar behtar yeh hota hai ke naya number lein aur purana personal use ke liye rakhein.
Kitna waqt lagta hai?
Ek se do hafte, jisme Meta ki business verification bhi shamil hai. Verification kabhi kabhi zyada waqt le leti hai — woh Meta ke haath mein hai.
Kya mera business is ke liye ready hai?
Agar din mein 10 se kam enquiries aati hain to bot pe paisa lagana abhi zaya hai. Us se zyada ho, ya raat ko messages aate hon jinka aap subah jawab dete hon, to fayda hai. Hum yeh saaf bata dete hain — kaam le lena hamesha behtar nahi hota.
Bot Urdu samajhta hai?
Roman Urdu bohat acha, Urdu script theek. Pakistan mein zyada tar log Roman Urdu likhte hain isliye amli tor pe yeh kaam karta hai. Setup ke waqt hum aapke asli messages dekh kar bot ko unhi ke hisab se tune karte hain.
Agar bot kaam na kare to?
Har bot mein ek saaf rasta hota hai insaan tak pahunchne ka — customer kabhi phansa hua mehsoos nahi karta. Pehle 30 din hum conversations parh kar bot ko theek karte rehte hain, woh setup fee mein shamil hai.
Kya yeh order aur inventory se jur sakta hai?
Haan, agar aapki site WooCommerce ya Shopify pe hai to order status bot khud utha sakta hai. Manual register ya khate pe kaam ho raha ho to pehle woh system banana parega — woh alag kaam hai.
Is ke andar kya kya aata hai
Har service ka apna page hai jahan process, deliverables aur price likhi hai.
WhatsApp chatbot
WhatsApp Business API pe — asli cost aur setup ka poora process.
Support chatbot
Aapki site ke content se jawab dene wala bot.
Lead qualification bot
Serious buyers ko timepass se alag karna.
Process automation
Orders, invoices aur reporting ka automation.
Apni website ka link bhejein
Main dekh kar bataunga ke masla kya hai — is se pehle ke koi paisa discuss ho. Koi form nahi, koi sales call nahi.
WhatsApp pe baat karein Baqi tareeqe