Aap kis se baat kar rahe hain
NextMark ek chhoti si team hai. Jo banda aap se baat karega, wohi aapka kaam bhi karega — beech mein koi account manager nahi.
Hum kya nahi kehte
Pakistan mein zyada tar agency websites pe likha hota hai "500+ clients", "10 years experience", "5.0 rating". Un mein se bohat se numbers banaye hue hote hain — aksar aisi sites pe jo khud chhe mahine purani hoti hain.
Hamara base Lahore hai, lekin kaam poore Pakistan mein remote hota hai.
Hum aisa nahi karte. Hamare paas jitne clients hain unka zikr hum naam ke saath karte hain, aur aap un se khud confirm kar sakte hain. Yeh ginti kam hai — lekin asli hai.
Aur ek cheez pehle hi saaf kar deta hoon: hum ranking guarantee nahi dete. Google ka algorithm hamare control mein nahi hai. Jo agency guarantee deti hai woh ya to jhoot bol rahi hai, ya aisi tactics use karegi jo baad mein aapki site ko nuksan denge.
Hum kaise kaam karte hain
Pakistan mein har business owner ke paas kisi na kisi agency ka bura tajurba hai — paise diye, kaam adhoora, phir number band. Isliye hamara tareeqa jaan boojh kar aisa banaya gaya hai ke aap kabhi phanse hue mehsoos na karein:
- Chhota pehla project. Pehli baar mein bara retainer nahi. Ek chhoti si cheez, taake aap dekh lein ke hum kaise kaam karte hain.
- Likhit scope. Kaam shuru hone se pehle ek page ka document — kya hoga, kab tak, kitne ka.
- Har hafte WhatsApp update. Aap ko poochna nahi parega ke kaam kahan tak pahuncha.
- Saare accounts aapke naam pe. Website, hosting, Google, Meta — pehle din se. Kaam band karna ho to kuch hamare paas nahi rukta.
Hum UK mein bhi kaam karte hain
NextMark UK ke businesses ke liye bhi kaam karta hai, aur woh kaam nextmark.uk pe hai. Uska faida yeh hai ke international standards aur budgets ka tajurba Pakistani clients tak bhi pahunchta hai — us paise ke baghair.
Aksar poochay jane wale sawal
Team mein kitne log hain?
Chhoti team hai. Development, SEO aur ads — teenon ke liye alag log hain, lekin har project pe direct aap se baat karne wala ek hi banda hota hai.
Kya aap contract karte hain?
Haan. Har project ka likhit scope hota hai jisme deliverables, timeline aur payment terms likhi hoti hain. Retainers monthly hain, notice period ek mahina.
Agar kaam pasand na aaye to?
Website projects mein do revision rounds shamil hain. Uske baad bhi masla ho to Refund Policy page dekh lein — wahan saaf likha hai ke refund kab milta hai aur kab nahi.
Ek baar baat kar ke dekh lein
Main dekh kar bataunga ke masla kya hai — is se pehle ke koi paisa discuss ho. Koi form nahi, koi sales call nahi.
WhatsApp pe baat karein Baqi tareeqe