SEO audit services in Pakistan
Ek tafseeli report jo batati hai ke aapki site pe kya toota hai, kyun toota hai, aur kis order mein theek karna chahiye.
Yeh hamari SEO services ka ek hissa hai.
Free audit tools se yeh alag kyun hai
Online free audit tools aapko 200 masail ki list de dete hain — har missing alt tag aur har lamba meta description. Woh list dekh kar aap ko lagta hai site tabah ho chuki hai, aur pata nahi chalta ke shuru kahan se karein.
Asli masla yeh hai ke un 200 mein se shayad 6 cheezein matter karti hain, aur baqi shor hai. Hamari report un 6 pe focus karti hai, asar ke hisab se tarteeb mein — aur saaf likhti hai ke baqi ko abhi chhor dein.
Report mein kya hota hai
Indexing ki asli halat
Kitne pages index hain, kitne "Crawled – not indexed" hain aur kitne "Discovered – not indexed". Dono ka matlab bilkul alag hai aur ilaj bhi alag.
Speed, asli device pe
Mobile pe asli test, lab score nahi. Aur woh teen cheezein jo sabse zyada waqt kha rahi hain.
Content ka jaiza
Kaunse pages patle hain, kaunse aapas mein muqabla kar rahe hain, aur kaunse purane pages update karne se fauran faida ho sakta hai.
Backlink profile
Kitni asli referring domains hain, aur koi spam pattern to nahi.
Competitor comparison
Do ya teen muqabil — woh kis cheez pe rank kar rahe hain jo aapke paas hai hi nahi.
Priority list
Har masla asar aur mehnat ke hisab se. Pehle hafte kya, pehle mahine kya, aur kya bilkul chhor dena hai.
Report ke saath ek call
Report PDF mein aati hai, lekin us ke saath ek 30 minute ki call bhi hoti hai jahan hum aap ke saath us mein se guzarte hain. Wajah simple hai: ek 40-page ka PDF jo koi parhta hi nahi, kisi ke kaam ka nahi.
Us call mein aap sawal poochh sakte hain, aur hum saaf bata dete hain ke kaunse kaam aap khud kar sakte hain aur kaunse ke liye developer chahiye. Aap us ke baad kisi aur se kaam karwana chahein to bhi report aap ki hai — hum us mein kuch chhupate nahi.
Ya form bhar dein
Teen minute ka kaam hai. Jo tafseel aap denge, jawab utna hi kaam ka hoga.
Audit ke sawal
Kitne din lagte hain?
5 kaam ke din. Agar site bohat bari ho (500+ pages) to 7 se 10 din.
Mujhe kya dena hoga?
Search Console aur Analytics ka read-only access, aur website ka URL. Agar access nahi hai to hum kam data ke saath bhi kar sakte hain, lekin report utni gehri nahi hogi.
Kya fixes bhi shamil hain?
Nahi, audit sirf report hai. Fixes ka quote report ke baad milta hai. Agar aap SEO retainer lete hain to audit ki fees us mein adjust ho jati hai.
Free audit nahi karte?
Basic review free hai — website ka link WhatsApp pe bhej dein, hum dekh kar do teen bari cheezein bata denge. Tafseeli audit paid hai kyunke us mein poora din lagta hai.
Price kya hai?
PKR 20,000. Pricing page pe baqi sab kuch likha hai.
Is se juri hui services
Pehle free review le lein
Website ka link WhatsApp pe bhejein — hum dekh kar do teen bari cheezein bata denge, bina kisi charge ke.
WhatsApp pe baat karein Baqi tareeqe