Technical SEO services in Pakistan
Woh foundation ka kaam jo pehle hona chahiye — kyunke agar Google aapka page theek se parh nahi sakta, ya woh mobile pe khulta hi nahi, to baqi sab bekar hai.
Yeh hamari SEO services ka ek hissa hai.
Pakistan mein speed ka masla asli hai
Aapke traffic ka 80% se zyada mobile pe hai, aur woh mobile aksar mid-range Android hota hai jo 4G pe chal raha hai — kabhi kabhi 3G pe. Ek site jo aapke laptop pe fauran khulti hai, us phone pe 6 se 8 second le sakti hai.
Aur is ki wajah aksar ek hi hoti hai: page builder. Elementor ya Divi se bani site desktop pe khoobsurat lagti hai lekin woh bohat saara extra CSS aur JavaScript load karti hai. Us ke saath sasti shared hosting — jahan server ka pehla jawab hi ek second le leta hai — aur natija saamne hota hai.
Hum har site apne phone pe mobile data pe kholte hain, wifi pe nahi. Agar woh 3 second se zyada le to woh site customers kho rahi hai, chahe PageSpeed score kuch bhi kehta ho.
Kya kya dekha aur theek kiya jata hai
Crawling aur indexing
Search Console mein kaunse pages "Crawled – currently not indexed" hain aur kyun. Yeh aksar sabse bari cheez hoti hai jo kisi ne dekhi hi nahi.
Core Web Vitals
LCP, CLS aur INP — asli device pe, lab test pe nahi. Target mobile LCP 2.5 second se kam.
Hosting aur TTFB
Agar server ka pehla byte hi der se aa raha hai to front-end ki optimization ki koi hadd hai. Kabhi kabhi asli hal hosting badalna hota hai.
Site structure
URLs, breadcrumbs, aur internal linking — taake Google ko samajh aaye kaunsa page kis ka hissa hai.
Schema markup
Organization, LocalBusiness, Service, FAQ aur Breadcrumb — ek connected graph, bikhre hue tukre nahi.
Duplicate aur canonical
Aik hi content kai URLs pe, ya www aur non-www dono chalna — yeh aam masle hain jo ranking bant dete hain.
Images
WebP conversion, compression aur lazy loading. Ek 3MB ki product photo akele poora page bhaari kar deti hai.
"Pages index nahi ho rahe" — sabse aam shikayat
Yeh shikayat hum bohat sunte hain, aur uski wajah aksar technical nahi hoti.
Agar aapke 80% pages Search Console mein "Crawled – currently not indexed" dikha rahe hain, to Google ne page dekha aur usay rakhne layak nahi samjha. Yeh bulk AI-generated content ka classic nishaan hai. Us case mein robots.txt ya sitemap theek karne se kuch nahi hoga — content dobara likhna parega.
Lekin agar pages "Discovered – currently not indexed" hain, to masla alag hai: Google ko URL pata hai lekin usne crawl hi nahi kiya. Yeh aksar orphan pages ki wajah se hota hai — woh page kisi doosre page se linked hi nahi. Yeh asaan fix hai.
Audit mein hum yeh farq batate hain, kyunke dono ka ilaj bilkul alag hai.
Kaam ka order
Crawl aur diagnosis
Poori site ka crawl, Search Console ka data, aur ek list jisme masle asar ke hisab se tarteeb mein hote hain.
Blockers pehle
Woh cheezein jo Google ko rok rahi hain — noindex tags, robots.txt, canonical ghaltiyan, toote hue redirects.
Speed
Hosting, caching, images, aur bhaari scripts. Yeh sab se zyada waqt lene wala hissa hai.
Structure aur schema
Internal linking, breadcrumbs aur schema graph.
Verify
Fix ke baad dobara crawl, aur 2 hafte baad Search Console mein farq check.
Ya form bhar dein
Teen minute ka kaam hai. Jo tafseel aap denge, jawab utna hi kaam ka hoga.
Technical SEO ke sawal
PageSpeed score 100 zaroori hai?
Nahi. Score ek lab test hai. Asli paimana Core Web Vitals ka field data hai jo asli users se aata hai, aur woh Search Console mein dikhta hai. 100 score wali site bhi asli phone pe slow ho sakti hai.
Kya hosting badalni paregi?
Kabhi kabhi. Agar TTFB mustaqil tor pe ek second se zyada hai to front-end optimization ki hadd aa jati hai. Hum pehle baqi sab theek karte hain, aur agar phir bhi masla rahe tab hosting ka kehte hain — pehle nahi.
Elementor use kar raha hoon, kya karoon?
Site dobara banana zaroori nahi. Kaafi kuch theek ho jata hai: CSS ko external file mein daalna, unused widgets band karna, aur bhaari addons hatana. Agar phir bhi mobile LCP 4 second se upar rahe to theme badalne ki baat karte hain.
Kitna waqt lagta hai?
Audit 5 din. Fixes site ki halat pe — aam tor pe 2 se 4 hafte. Search Console mein asar 3 se 6 hafte baad nazar aata hai.
Kya yeh alag se le sakta hoon?
Haan. Audit ek baar ka PKR 20,000 hai. Fixes ka quote audit ke baad milta hai, kyunke us se pehle andaza lagana theek nahi hoga.
Is se juri hui services
Apni site ka technical check karwayein
Main dekh kar bataunga ke masla kya hai — is se pehle ke koi paisa discuss ho. Koi form nahi, koi sales call nahi.
WhatsApp pe baat karein Baqi tareeqe