Refund policy
Saaf likha hua hai ke refund kab milta hai aur kab nahi — taake baad mein bahes na ho.
Poori shartein Terms and conditions mein likhi hain.
Refund milta hai
- Agar advance dene ke baad hum kaam shuru na karein aur 7 din tak koi rabta na ho — poora advance wapas
- Agar hum scope document mein likhi hui koi cheez deliver na kar saken — us hisse ka paisa wapas
- Retainer ke pehle 7 din ke andar cancel karein aur us mahine ka kaam abhi shuru na hua ho
Refund nahi milta
- Kaam deliver ho chuka ho aur woh scope ke mutabiq ho, lekin aapko design pasand na aaye — is ke liye revision rounds hain, refund nahi
- SEO ya ads ke natije aapki umeed se kam hon — hum results guarantee nahi karte aur yeh pehle hi likha hua hai
- Ad spend — woh Meta ko ja chuka hota hai, hamare paas nahi
- Third-party kharche jaise domain, hosting, plugins ya API charges
Revisions
Har website project mein do revision rounds shamil hain. Un se zyada changes alag charge hote hain, aur us ka rate pehle bata diya jata hai.
Masla kaise hal karein
Sabse pehle WhatsApp pe baat karein. Zyada tar masle baat se hal ho jate hain. Agar phir bhi na ho to likhit mein bhej dein aur hum 7 din ke andar jawab denge.
Apni website ka link bhejein
Main dekh kar bataunga ke masla kya hai — is se pehle ke koi paisa discuss ho. Koi form nahi, koi sales call nahi.
WhatsApp pe baat karein Baqi tareeqe